英國三餸飯

喺英國，外出食飯係非常貴，如果香港一般外出食茶餐廳係大約$50港元一個餐，英國就大概需要$100元或以上。所以日常都係辛苦啲自己煮。直到在曼城市中心發現呢個Market Kitchen， 裡面有各式各樣嘅食物，當中有唔少都係親民嘅價錢，例如圖中呢個沙律巴，起碼有十幾個款比你選擇，有意粉，有藜麥飯，有肉丸，有沙律菜……價錢好親民，£2.99起至到最大size都係£4.99，即係等於港幣大約$30-50元左右。喺我眼中佢就同香港嘅兩餸飯或者三餸飯一樣咁抵食。或者可以叫做係西餐兩餸三餸飯

圖裡面係揀咗最大size £4.99 ，即係大約港幣$50元，英國嘅三餸飯玩法唔同，首先佢係比你自己「畢」，第二佢不限你「畢」幾多款，唔會限你兩個餸定三個餸，總之你個盒裝到就可以了，上圖作者係畢咗大約十個items. 

除咗沙律巴仲有其他美食

Market Kitchen 位置喺曼城市中心Tram 站Market Street 附近

喺英國可以用$30-50元港紙左右去食一餐飯，無論係堂食或外賣自取都幾乎係無可能，對於我呢啲窮L嚟講呢度簡直係發現新大陸！